السلام عليكم
ارجو الاطلاع على حالتى واعطائى التشخيص او النصيحة المناسبة
انا اعانى من الام منتشره فى عظام الجسم كلة بشعر بالام فى الجسم كلة مع صداع شبه مستمر لدرجة انى بحس انى جفون عينى تؤلمنى وبحس بمرار وجفاف فى الفم وكمان بجوع بسرعه اوى يعنى ممكن ابقى لسة واكل واحس انى جوعت تانى وكمان بحس بانتفاخات فى البطن وغازات واوقات بحس بحرارة فى الجسم بس لما بقيسها بالترمومتر بتكون طبيعية ولو حد جة يسلم عليا يقولى انت دافى كدة لية وبحس بارهاق وتعب مستمر زى مايكون عندى انفلونزا مستمرة وكمان قلة التركيز والنسيان وثقل فى الراس التعب دا من اكتر من عشر سنوات فى بداية الامر كان جالى زى حمى كدة واسهال بمخاط كدة ومغص المهم ذهبت لدكاترة كتير بعد حوالى سنتين من ظهور الاعراض دى الدكتور اكتشف انها الحمى المالطية واعطانى علاج لمدة شهر ونص وعملت التحليل تانى بعدها كذا مرة كانت النيجة نيجاتيف وكنت عملت الفيدال وقتها وكان بيطلع سليم ولفيت كتير على الدكاترة وكان كل دكتور يقولى انت سليم المهم من سنين كدة دكتور طلب تحاليل وطلع فيها الفيدال موجب المهم اخدت علاج لحد مابقى نيجاتبف وعملت التحليل بعدها طلع نيجاتيف ومن كام شهر كدة روحت لدكتورامراض باطنة ومناعة وامراض دم وعملت تحاليل المهم طلع CMV,toxoplasma,EBV كان فى اصابة قديمة بس حاليا مش موجودة المهم اعطانى علاج برضو والاعراض مخفتش علما بانى كنت عملت تحاليل فيرس بى وسى ESR وRF,alkaline phosphate,ANAوعملت وظائف الكبد والكلى وتحاليل سكر وغدة درقية وتحاليل بول وبراز واشعة تلفزيونية على البطن واشعة مقطعية على المخ وعلى فقرات الظهر وكل دا سليم والحمد لله
وكان فى دكتور حولنى على دكتورنفسى والدكتور اعطانى علاج ليريكا 75 و150 وسيروكسات 25 حبة من كل نوع فى اليوم فضلت اخدة لمدة حوالى 6 شهور بدون فائدة فتوقفت عن العلاج المهم انا حاليا متابع مع دكتور امراض دم ومناعة لان تحليل صورة الدم الكاملة فيها عدد الصفائح الدموية قليلة بتتغير عندى من 83000-10000
وكمان كرات الدم البيضاء اوقات بتقل واوقات بتبقى طبيعية
ممكن حد يفيدنى واسف على الاطالة

عبارات بحث متعلقة: