السلام عليكم يا دكتور
بالله عليك ترد على سؤالي ﻷني منهارة نفسيا بجد وعمري ماتعرضت لضغط نفسي شديد كدا
أنا عندي تكيس في المبايض ومسببلي زيادة في سكر الدم وأنا دلوقتي pre diabete وعلى وشك وخصوصا إنه عند والدي
أنا كنت باخد قبل حملي في بنتي سيدوفاج وعمل معايا نتيجة أكتر من هايلة وحملت وانا باخده وفضلت آخده طوال فترة الحمل وكنت باقل في الوزن مع ملاحظة إن وزن بنتي كان بيزيد في المعدل الطبيعي الحمد لله واتولدت 3ك و 200جرام
وطبعا طبيب الأطفال قالي لازم اوقف سيدوفاج علشان بنزل في اللبن وممكن يسبب خطورة على بنتي
هي بترضع طبيعي وعندها 11 شهر ووزنها 10ك و800جم
المشكلة دلوقتي إن السكر علي ووزني زاد بطريقة بشعة ومس باخس مع الريجيم والجيم ولا جرام
نفسيتي في الحضيض وخايفة على بنتي جدا لو رجعت آخد سيدوفاج
فكرت آخد جرعة بسيطة وماارضعهاش بعدها بساعتين..
مش معقول هافضل في الحالة المذرية دي لحد لما أفطمها
وفي نفس الوقت مش عايزة أطول بعدها وناوية أحمل بعد إتمامها السنة ﻷن عمري 32 سنة

أرجوك أرجوك أنا في حاجة للرد على سؤالي
وجزاكم الله خيرا