من حوالى اسبوعين جالى صداع وزغلله فى عيناى الاتنين لمدة ثلااث ايام فقط والحمد لله مفيش صداع بيجى لى تانى خالص حتى زغللة عينايا اللى كانت موجوده فى الثلاث ايام خفت بس موجوده شويه فى عينى الشمال وبحس انها بتحرقنى شويه اما عينى اليمين فى زغلله بسيطه جدا بس الزغلله دا الحمد لله مش ماثر على رويتى فى حاجه ونظرى تمام ممكن تكون المشكله لما بقرأ بحس ان عينى بتوجعنى بسرعه وبتجهد وبحس بالزغلله اكتر روحت لطبيب عيون وعملت اختبار نظر والحمد لله نظر طلع 6/6 وعمل كشف قاع عين وقال دا التهاب فيروسى فى المخ مسبب ضغط على العصب البصرى وكتب ليه علااج الفنترن حبوب وكيناكورت حبوب برده(كورتيزون) وقطره اسمها فولتارين لمدة شهر

زيادة تاكيد روحت لطبيب مخ واعصاب قالى دا ضغط المخ عالى وصداع وعائى رغم انى مش جالى صداع تانى خالص والحمد لله غير فى اول تلات ايام بس وراح لوحده

وكتب لى علاج سيدامكس نصف قرص 3 مرات فى اليوم وقرص توبراميت 25(توبامكس25) مره واحده فى اليوم لمده شهر وقال ماخدش علااج طبيب العيون

انا محتار اعمل ايه وانا مش عاوز اخد كرتوزن لان عندى زياده كبيره فى الوزن ومايل انى اسمع كلاام طبيب المخ والاعصاب

اسئلتى لحضرتك
1-من كلاامى ايه تشخصيكم لحالتى وايه النصيحه واسمع كلاام مين

2-انا عارف انى عندى سمنه مفرطه ممكن تكون هى المشكله لانها عامللى مشاكل كتير زى الارق فى النوم والشخير والنهجان من اقل مجهود سؤالى موضوع الزغلله دا فى مشكله لحد مانقص وزنى لانى قررت خلااص ولا دا حاجه بره السمنه ولازم حل سريع واذا كان كدا ايه الحل

وشكرا لكم

عبارات بحث متعلقة: