دكتور انا دلوقتى حامل .. اخر دورة كانت 11 ف شهر 2
روحت عشان اعمل سونار واعرف نبض الجنين .. الدكتور قالى مفيش نبض تعالى بعد اسبوع .. الكلام ده الاسبوع اللى فات روحتله امبارح قالى بردو مفيش نبض وطلب منى اعمل تحليل حمل رقمى للدم
فأنا مش فاهمه ايه اللى حصل او انا عملت ايه غلط عشان يكون مفيش نبض .. بالرغم من انى مبحسش بأى وجع او اى حاجه ومفيش دم ولا نقط بنى نزلت عليا !! انا بحس بوجع بسيط ف بطنى بس وجع عادى خالص فهل ده السبب ولا ايه ؟ وحضرتك تنصحنى بأيه ..
اه انا نسيت اقول لحضرتك انا عندى 20 سنه واول حمل ليا !!
وهل نبض الجنين ممكن يتأخر شويه ؟ وهل بردو ممكن يكون من سوء التغذيه عشان انا بدرس وكده وبروح الكليه واكلى مش منتظم شويه بس بحاول مجوعش خالص وبنام كتيير جداا ف اليوم وطبعا من غير اكل فمش عارفه ده السبب ولا ايه ! وهل ممكن يكون فى امل ان يكون الجنين مماتش