السلام عليكم ورحمة الله وبركاته

انا متزوجة من 11 شهر
زوجى كان سافر 4 شهور فى اول زواجنا
مفيش حمل حتى الان
تحاليل الزوج كويسة الحمد لله
بعد الفحوصات لقيت ان فيه تكيس فى المبايض
وبدأت أتابع مع دكتورة من الشهر اللى فات
أخدت منشطات وعملت متابعة تبويض وكله كان ماشى تمام الشهر اللى فات
لكن كان عندى التهابات بكتيرية والدكتورة قالتلى ان ده يمنع حدوث حمل

الشهر ده بدأت تانى منشطات ومتابعة للتبويض من أول يوم 11 فى الدورة كان حجم البويضات تقريبا 6 و 9
اخدت حقن تنشيط لكن ماجبتش نتيجة لمدة 4 ايام
اخدت بعدها حقن تانى وبدأت تجيب نتيجة الحمد لله
بعدها اخدت حقنة تفجير 1000 وحدة وماجبتش نتيجة
وبعدها حقفنة تفجير تانية 500 وحدة وبرضو ماجبتش نتيجة
اخدت واحدة تانية برضو 500 وحدة ولسه هشوف نتيجيتها
دلوقتى البويضات عندى وصلت 28 و 25 و 21 قبل اخر حقنة تفجير وده كان يوم 24 فى الدورة
هل ده طبيعى ؟
وفيه امل من حدوث حمل فى هذا الشهر ؟
وممكن البويضات ماتنفجرش تانى ؟ وساعتها ايه الحل ؟

مع العلم
الدورة عندى كانت غير منتظمة بسبب التكيس
كانت بتيجى كل شهر او شهر ونص او شهرين
انا جسمى نحيف نوعا ما
وبدأت من شهرين تقريبا اخد جلوكوفاج 500 عشان التكيس
والدورة اللى فاتت جت بعد 31 يوم

عبارات بحث متعلقة: